IBILGAILUAK

Gaur, “taka-taka” bezela ezagutzen zen tresna bati buruz mintzatzera nator.

Ez da erraza norbere burua ibilgailu baten beharrean dela onartzea, ezta, “zer esango duten” hori burutik kentzea, baina behin hori gaindituz, galdera garrantzitsua dator, zein da nire beharrei hobekien egokituko zaien ibilgailua?

Azken puntu honi erantzuteko gako batzuk emango dizkizuet.

Has gaitzezen.

Egin beharreko lehen galdera hurrengoa da, erabilera etxe barruan edo, batez ere, etxetik kanpo emango diot?

Etxe barruan izango bada, posible da etxeko alfonbrak kentzeko garaia iritsi izana eta kontuan izan beharko ditugu etxeak berak ezarriko dizkigun muga fisikoak, bereziki ateen zabalerak, neurri horiek baino handiagoak diren ibilgailuak alde batera uzteko.

Zabalera murritza duten ibilgailuak, eta beraz, etxe barrurako egokienak, ondorengoak  dira:

-          Gurpil gabekoak: Egonkorrenak, ez dute  inoiz  irrist egingo eta beste eserleku batzuetatik altxatzeko ere lagungarriak dira.

-          Bi gurpildunak, atzeko partean takoak dituztenak. Hauek,  egonkortasun handikoak dira eta gehigarri ugari dituzte, otarra, erretilua, eserlekua...

Aldiz, ibilgailua kalerako nahi izanez gero, orokorrean lau gurpildunak izango dira egokienak.

Baina, nola aukeratu egokiena?

Hasteko, zein freno mota erabiltzeko gai garen jakin behar dugu.

-Heldulekuko frenua, freno mota hau aukeratu ahal izateko  gaitasun kognitibo zein fisiko egokiak behar dira, izan ere, frenua aktibatzeko, heldulekuan indarrez estutu behar da.

-Presio bidezko frenua, ibilgailua heldulekutik beherantz bultza eginda takoa lurrarekin kontaktuan jarriz frenatzen da. Aurrean aipatutako gaitasun urripen bat jasanez gero, hauek dira gomendagarrienak.

Hortik aurrera, bada zer aukeratu ere, eserlekudunak ( kaletik goazela nekea sentitu eta esertzeko aukera ematen digutenak), otardunak (erosketak, edo beste edozein gauza, bertan sartzeko aukera ematen digutenak), tolesgarriak, material ezberdinetakoak (arin edo astunak), etabar luze bat.

Aukeratzen duguna dela ere, oso garrantzitsua da berarekin eroso sentitu eta erabilera egokia emotea. Horretarako, gorputza, bi  heldugailuen artean jarri beharko dugu, eta hauek, aldaken alturan eutsi, besoak erdi flexionatuta ditugularik.

Lagundu dizuet? Utz ditzagun tabuak alde batera…

Hala ba zan eta ez ba zan, sar dadila kalabazan eta atera dadila ibilgailua gure herriko kaleetan!